اتكلم انجليزي بسرعة وبدون اغلاط
اقوى دورة تاخدك خطوة بخطوة للتحدث بالانجليزي بطلاقة لفرص مهنية اقوى
باقي على نهاية الدورة
المشكلة مع الانجليزي
ليش تعلم وتطوير الانجليزي تحسه تحدي؟ تحس الموضوع تقيل وياخذ مجهود اكثر واطول بسبب مشاكل كثيرة منها:
ما تدري تبدأ من فين؟ عندك ٥٠ الف مصدر متشتت بينهم وكل واحد بينصح بشيء جديد..
جربت طرق كثيرة من الطرق التقليدية وما لقيت اي تطور في مستواك..
مو قادر تستمر.. وتحس انه الموضوع اكبر مما تتوقعه وحياخذ شهور وسنوات الين ما تتطور
في هذي الدورة راح اقلك ايش اللي عليك تسويه بالزبط!
بديت من الصفر في الانجلش وكانت تجربتي مع اللغة عبارة عن معاناة.. كنت احاول اطبق كل نصيحة اسمعها،
وجربت طرق كثييرة وكل مرة طريقة تفشل كنت اتحطم اكتر .. صرفت آلاف الريالات وضيعت ٣ سنوات ولسه ماني
قادر اوصل للخلطة السحرية اللي تساعدني اتعلم اللغة باتقان عشان احقق حلمي بدراسة الماجستير في
جامعة قوية وبعدها اتوظف في شركة كبيرة..
وبعد تجربة ٥٠ الف طريقة قدرت اوصل لافضل الطرق اللي تختصر الوقت والمجهود وساعدتني احقق افضل
النتايج في اشهر قليلة مو سنوات!
وبعدها قررت انشر تجربتي واختصر الطريق على المهتمين بتعلم اللغة والحمدلله ساعدت أكثر من ٢ مليون
شخص خلال الـ ٨ السنوات الماضية في تحقيق طموحه في الايلتس .. وساعدت الكثيرين في تأسيس وتطوير
لغتهم من الصفر حرفيا من خلال دوراتي المكثفة والمحتوى اللي بقدمه على السوشيال ميديا.
تعريف الدورة
⚙️ اقوى الطرق
اللي تختصر عليك الطريق
👨🏻💻 دروس وتدريبات تفاعلية مرتبة خطوة بخطوة
🧑🏻🎓 نتائج حقيقية
حتشوف تطور ملحوظ بوقت قياسي
وانا هنا مو عشان اقدم لك دورة .. انا هنا عشان اقدملك نتايج واساعدك تطور طلاقتك في الانجليزي وتحقق طموحك بوقت قياسي!
ودا مو بس كلامي .. هذي تجارب وكلام مجربين يوصلني يوميا ..
خد جولة عميقة جوة دورة المحادثة الاحترافية مع عبدالله العلاوي 🔥💛
عبدالله العلاوي
الدورة ساعدت محمد يلتزم بالمذاكرة يوميا ودا اللي طور من مستواه في الانجليزي بشكل اسرع مع
المتابعة المستمرة من فريقي 🔥
محمد
فايزة جربت برامج كتيرة وما في شيء زبط معاها..
اشتركت في دورة المحادثة الاحترافية والان حاسة بفرق كبير في مستواها بالانجليزي وتقدر
تتكلم في اي موقف!
فايزة
مهدي دخل دورة المحادثة الاحترافية ولاحظ تطور في مستواه في ٢٠ يوم فقط !
مهدي
دورة المحادثة الاحترافية ساعدت تسنيم بشكل كبيير في تحسين مستواها بالانجليزي
والان تقدر تتكلم صح
تسنيم
فهد كمل اسبوع بس في دورة المحادثة الاحترافية
قارن بين اول كلاس جماعي دخله في الدورة مع نيتف سبيكر بالكلاس الثالث ولاحظ انه الموضوع
فرق معاه بشكل رهييب اتطورت طلاقته وكسر حاجز الخوف من انه يتكلم
فهد
عبدالله كان بيحاول يطور اللغة وما كان بيلاقي نتائج في مستواه دخل دورة المحادثة
الاحترافية
وكمل الين دحين ٣ أسابيع ومستواه اتطور بشكل ملحوظ
عبدالله الحمد
وانت كمان تقدر!
تبدأ وتطور طلاقتك بالمحادثة وتحقق هدفك.. حتبدأ معايا من مستواك حرفيا وحتطلع وانت عارف تتكلم بطلاقة في وقت قياسي. ومهما كانت الصعوبات اللي تواجهك وتحس انها السبب اللي يمنعك توصل لهدفك.. صدقني هي كلها عوائق وهمية.. وحلها بسيط انه يكون تركيزك على "نظام الممارسة الرباعية" اللي حيساعدك تصير بلبل انجلش في اسرع وقت.
بالتركيز على مهارة الاستماع تحديدا -كمهارة ادخال- واللي هي الاساس لتطوير المحادثة -مهارة الاخراج- ومن خلال الاستماع تتعلم الكلمات والعبارات المهمة اللي تحتاجها في الحياة اليومية، والشغل، والسفر واللي حتساعدك تقدر تفهم وتعبر.
الاسطورة تقول "إذا حفظت كل قواعد اللغة حتصير حريف لغة وتتكلم بطلاقة"، لكن اتخيل معايا اذا احد سألك سؤال تحتاج تجلس كم دقيقة عشان تتذكر ايش كانت تركيب هذي القاعدة؟ .. الواقع يقول "انه تحتاج بس تعرف الاساسيات" مو الجرامر من بدايته لنهايته زي قواعد if وحالاتها مثلا!😅
سرعتك في الكلام مهمة، وراح تواجهك مواقف كتيير تجبرك تتكلم بسرعة.. وفي اشياء كتير راح تساعدك في دا الموضوع واولها يكون تركيزك على انه قبل ما تتكلم بسرعة لازم تتكلم اصلا بانك تحرك لسانك بالمحادثة الحرة او عن طريق التطبيقات الذكية .. كمان انه تتدرب على التفكير بالانجلش هذي من اهم طرق زيادة سرعتك..
اول عائق راح تقابله في المحادثة هو الثقة لانه دايما حتدخل في مواقف يومية تخليك تتكلم انجليزي قدام الناس.. فحيكون جزء اساسي مهم تطوره لانه "اذا ما عندك ثقة" وعندك لغة وسرعة وصحة ما حتقدر تتكلم! والثقة حتيجي بالممارسة واستغلال الفرص اللي ممكن تتكلم فيها انجلش (كلاسات جماعية - او المواقف اليومية في الحياة والعمل والدراسة).
خدماتك في الدورة
٥٠ درس شرح لاساسيات الجرامر:
كل الدروس بالدورة مصممة بأحدث التقنيات التفاعلية عشان تقدر تتفاعل وتطبق اللي تعلمته يعني باختصار حتتعلم تمارس الجرامر مو تحفظ الجرامر.
طور مهارتك في المحادثة مع أداة الذكاء الاصطناعي شكسبير
تطور اسلوبك وافكارك مع " المدرب شكسبير AI " حيكون معاك كمدرب خاص بيك ٢٤ ساعة تتدرب معاه، طورته مع فريقي بالذكاء الاصطناعي، تقدر تتكلم معاه عن اي موضوع تختاره او تطلب منه يقترح لك أفكار ومواضيع ويصحح لك أخطائك وبالتالي راح تنفك أزمتك في انه مافي احد تمارس معاه اللغة
اكتر من ٥٠ تدريب تفاعلي للجرامر :
راح تدرب بشكل عملي على قواعد الجرامر اللي اخدتها عشان تقدر تتعود عليها وبعدين تنساها ودا معناه انه حتتكلم بجمل صحيحة بطلاقة وما حتضيع وقت تتذكر ايش كان التركيب الصح للقاعدة.
٢٨٠ كلمة من اهم الكلمات الاساسية:
صممت بتقنية الفلاش كارد، وكمان حتشوف مثال لكل كلمة عشان تقدر تعرف معناها في سياق الجملة وبالتالي تقدر تقرأ وتفهم جمل مو كلمات مرمية.
اكتر من ٦٠ تدريب تفاعلي للكلمات:
صممت بتقنية التكرار المتباعد عشان تقدر تراجع اللي حفظته ودا معناه ما عليك تحفظ بنفسك لان الدورة هي اللي حتحفظك.
درس ممارسة السيناريوهات:
حتمارس سيناريوهات من الحياة الواقعية عشان تتكلم بدون ما تعلق وبالتالي حتقدر تتقن مهارات التحدث زي النيتف سبيكر في المواقف اليومية.
٣٠ درس لاهم العبارات اليومية:
دروس تفاعلية للعبارات اللي تحتاجها في حياتك اليومية عشان تعرف كيف تكون الجمل وبالتالي حتعرف تتكلم انجلش بطلاقة بوقت قياسي.
اكتر من ٣٠ تدريب تفاعلي للعبارات:
حتمارس العبارات بتدريبات تفاعلية عشان تتعود على استخدامها ودا معناه انه حتقدر تتكلم بعبارات قوية بدون ما تعلق وتفكر كيف ترتب الجملة.
١٠٠ برنامج صوتي يناسبك:
حيكون عندك برامج صوتية مناسبة لمستواك لمواقف حياتية حتتعلم منها كلمات جديدة، وتعرف كيف تكون الجمل في هذا السياق وبالتالي حتعرف تتكلم بطلاقة في وقت قياسي.
اهم ٥٠ ايديمز في اللغة:
الايديمز عبارة عن جمل ليها معنى معين "زي الامثال في العربي" حتتعلمها عشان تقدر تستخدمها بالمواقف اليومية ودا معناه حتعبر عن افكارك زي النيتف سبيكر.
٥٠ جلسة Confident Speaking جماعية معلمين اجانب مختصين
حتمارس اللغة في بيئة تعلم مكثفة مع متحدثين أصليين في كلاسات ممارسة جماعية تساعدك تكسر حاجز الخوف وتطور مهاراتك في التواصل بالانجلش.
اكتر من ١٠ ورشة عمل لايف:
كمشترك في الدورة حيكون عندك صلاحية دخول لا محدودة لاكتر من ١٨ ورشة عمل لايف بتكون فيها طاقة وحماس نتجمع ونحل ونتفاعل مع بعض.
حقيبة ورقية:
تساعدك تمارس الانجليزي وتكون مرجع ليك حتى بعد ما تخلص الدورة لانه فيها (كتيب مختصر لمحتوى الدورة، كروت لاهم العبارات وتقويم الانجاز للمذاكرة.
خدمة التواصل بالواتساب:
فريقي حيكون معاك خلال الواتساب الخاص بمشتركين الدورة عشان تقدر ترسل اي سؤال او استفسار عندك وراح يجاوب اسئلتك نصيا بتعمق.
شهادة ورقية:
بعد اكمالك للدورة المكثفة للطلاقة راح يشحن ليك شهادة ورقية بمستواك اللي وصلت له في اللغة وتقدر تستخدمها في اي مكان.
ماستركلاس: كيف تخطط لاهدافك وتنجزها في ٢٠٢٤
(خصيصا لهذي الدفعة)
ماستركلاس بقدمه خصيصا لهذي الدفعة حشاركك فيه خلاصة سنوات من التجربة والكتب اللي قريتها عشان تدبل انجازك خلال هذي السنة وتحول قايمة امنياتك لقايمة اكشن حقيقي
الدورة اختصرت على مشتركين كتيير وقت رهييب يجي السؤال كيف التزم كل هذولا الناس بالمذاكرة اليومية؟ ما كان يجي شعور بالطفش او انه يبغا يسحب على كل حاجة؟
الاجابة اكيد ايوة تصير لكن الدورة ساعدتهم لانها مبنية على تقنية المستوى الشخصي اللي يحدد لك روتين للمذاكرة حسب الوقت اللي تقدر تعطيه يوميا.. يعني ما حاجي اقلك يلا انت عليك تذاكر ١٠ ساعات في اليوم عشان تحقق هدفك وانت ما تقدر تدي وقت للمذاكرة اكتر من ساعتين. تخيل ساعتين بس في يومك تقدر توصلك لهدفك لانه الدورة سوت لك النظام اللي عليك تمشي عليه، كل اللي عليك تسويه بس تفتح حسابك بالدورة وتمشي مع الدروس والباقي على الدورة.
دورة المحادثة الاحترافية حتعطيك خلاصة ٨ سنوات في دورة واحدة مصممة باحدث التقنيات التفاعلية اللي تحاكي تجربة التدريب الشخصي، وحتكون معاك الين تحقق هدفك وتصير بلبل انجلش لانها راح تركز لك على الممارسة وتطوير مهارات اللغة اللي تساعدك تتكلم بطلاقة ا
نظريا الموضوع مهو صعب، لكن عمليا صعب انه تلاقي كل حاجة تحتاجها لتطوير مهارة المحادثة في مكان واحد مع مراعاة مستواك وهدفك والوقت اللي تحتاجه عشان توصل لمستوى الطلاقة.. هي خلطة لازم تكون محسوبة بشكل دقيق عشان توصلك لافضل النتايج..
ودا بالزبط المنهجية اللي حيتم تصميم الدورة بناء عليها:
-
حيكون عندك دروس تفاعلية للعبارات اللي تحتاجها في حياتك اليومية واللي اسميها جمل انقاذ او ادوات مساعدة.
-
صح حتاخد الكلمات الاساسية في الدورة لكن كتييير من اللغويين زي A.J.Hoge يقولو دايما.
-
ما حتركز على الكلمات ركز على جمل او العبارات.
-
فكل تركيزنا في دورة المحادثة الاحترافية حيكون على تعلم العبارات الشائعة.
-
حتى في دروس الكلمات حتاخد تدريبات تفاعلية تساعدك كيف تستخدمها في جمل.
-
وبالتالي راح تتعلم الجمل والعبارات اللي حتساعدك تتكلم ما حتضيع وقتك في حاجة ما ليها لازمة!.
-
حخليك تتخيل انك قدام نيتف سبيكر وبتاخد معاه حوار حقيقي.
-
حتاخد سيناريو وتشوف مثال عملي عليه وتعيش موقف فعلي في منصة الدورة.
-
ودا حيساعدك تتكلم بدون ما تعلق وبالتالي حتقدر تتقن مهارات التحدث في المواقف اليومية.
-
اكيييد بتواجهك مواقف تجبرك تتكلم فيها انجليزي قدام الناس عشان كدا.
-
حيكون عندك خدمة كلاس محادثة جماعية.
-
حتمارس اللغة في بيئة تعلم مكثفة مع متحدثين أصليين في كلاسات ممارسة جماعية.
-
تساعدك تكسر حاجز الخوف وتطور مهاراتك في التواصل بالانجلش.
دحين عرفت منهجية الدورة وعرفت كيف الدورة ساعدت كثيييييرين في تحقيق أهدافهم واكيد حتساعدك انت كمان تحقق هدفك بوقت قياسي، لكن كيف الدورة؟ ايش حيكون عندك:
- 🧠 معرفة شاملة لقواعد الجرامر الأساسية - أكثر من ٥٠ درس تفاعلي مع عبدالرحمن ، حيركز فيها على شرح القواعد بطريقة تناسبك وبعدها حتدرب على تدريبات تفاعلية عشان تمارس القواعد مرة ثانية بنفسك.
- 📚 كخدمة إضافية في الدورة بعد كل قسم حيكون فيه تدريبات اضافية عشان تتدرب وتمارس اكتر وكمان حيوصلك كتيب مختصر لمحتوى الدورة، كروت لأهم العبارات وتقويم الانجاز للمذاكرة.
- دروس وتدريبات تفاعلية مرتبة في مكان واحد، توفر لك +١٠ ساعات في الاسبوع وتساعدك توصل للطلاقة في وقت قياسي من خلال دروس لأهم العبارات اليومية، سيناريوهات من الحياة الواقعية، تدريبات على القواعد العملية اللي تحتاجها في المحادثة بشكل كبير.
- 🚂 تدرب باستمرار (بشكل يومي) على تطوير مهارات اللغة اللي تحتاجها لتطوير مهارة المحادثة بدون ملل من خلال أحدث تقنيات للتدرب وبالتالي حترفع مستواك في اللغة بشكل عام وتتعلم الطرق الصحيحة للتطوير عشان تقدر تحافظ على مستواك حتى بعد انتهاء اشتراكك في الدورة.
- 🏋🏻♀️ حتمارس سيناريوهات من الحياة الواقعية عشان تتكلم بدون ما تعلق وبالتالي حتقدر تتقن مهارات التحدث زي النيتف سبيكر في المواقف اليومية
- 🔥 تعرف ايش نقاط قوتك من خلال جلسات المحادثة مع نيتف - من افضل الخدمات الإضافية اللي اقدمها في الدورة لمساعدتك في معرفة نقاط قوتك والاستفادة منها في كلامك، وكمان لمساعدتك في كسر حاجز الخوف من الكلام بالانجليزي قدام احد وخصوصا لما تكون الانجليزية هي لغته الأصلية.
- 🔤 تتعلم الكلمات الأساسية اللي تحتاجها في حياتك اليومية عشان تطور بسرعة وتقدر تتكلم بكفاءة ، فما تحتاج تضيع ساعات في محاولة البحث عن أفضل المصادر للكلمات. وبالتالي لا تهدر شهور في مصادر وطرق ما حتساعدك صح وتلاقي تطور ملحوظ.
- 💬 حتمارس اللغة في بيئة تعلم مكثفة مع متحدثين أصليين في كلاسات ممارسة جماعية تساعدك تكسر حاجز الخوف وتطور مهاراتك في التواصل بالانجلش
- 📱 التواصل المستمر مع فريقي - لمدة ٦ أشهر حتقدر ترسل اي سؤال او استفسار عندك وراح يجاوب اسئلتك نصيا بتعمق. حيكون معاك الين تحقق هدفك بإذن الله.
و٦٠ الف حاجة كمان .. يعني باختصار الدورة شاملة كلللل حاجة وحتاخدك خطوة بخطوة الين تحقق هدفك
عندنا سيناريوهين..
1️⃣ اذا انت بديت في تطوير الانجلش، وحاسس كل حاجة واضحة وفيه تطور.. ما انصحك تسجل بالدورة.. ابغاك تستمر. وصدقني راح توصل بإذن الله.
2️⃣ اذا تبغا حاجة تكون معاك من اول يوم خطوة بخطوة وتعطيك كل حاجة تحتاجها عشان تقدر تتكلم انجليزي وتصير بلبل انجلش بوعدك الدورة هي الشيء اللي تحتاجه.. واللي راح توصلك لهدفك في وقت قياسي 🚀
اذا كنت لسه منت متأكد الدورة حتناسبك او لا .. خليني اساعدك
ما حتكون مناسبة ليك اذا:
اذا ما كنت مستعد لتخصيص الوقت والجهد، على الاقل ساعة واحدة يوميا اسبوعيا للدورة والالتزام بيها طوال مدة مذاكرتك.
إذا كنت تتوقع انه مجرد ما تسجل في الدورة خلاص افتكيت من ازمة اللغة فترا الدورة مهي سحر، لكن هي طريق مختصر
اذا كان مستواك تأسيسي او مبتدئ في اللغة، يعني ما تقدر تكوّن جمل صحيحة في الانجلش وتبغى تطور كل المهارات بنفس الوقت (انصحك تاخد الدورة التأسيسية للانجلش حتساعدك تتأسس صح. اضغط هنا)
والدورة حتكون جدا مناسبة ليك اذا:
مستواك أقل من المتوسط الدورة راح تناسبك بشكل مررة كويس. تقدر تعرف مستواك، من هنا
وقتك ضيق وتبغا تشوف نتائج حقيقية بوقت قياسي، هدفنا الوحيد هو تسهيل واختصار الطريق ليك من خلال بناء الأنظمة وتوفير الوقت. فإذا كان دا الشيء اللي تبغاه ، فاحنا نحب نكون معاك في رحلتك
اذا كنت حاب حاجة تاخذك خطوة بخطوة وتوصلك للمستوى اللي تبغاه بوقت قياسي فالدورة هي انسب خيار ليك.
عرض الدفعة الاخيرة في ٢٠٢٣
دورة المحادثة الاحترافية
قيمة ٢٦٠٠ ر.س.الجماعية مع نيتف Confident Speaking ٥٠ جلسة
قيمة ٢٥٠٠ ر.س.طور محادثتك مع أداة الذكاء الاصطناعي شكسبير
قيمة ١٢٠٠ ر.س.ورش عمل جماعية لايف مع عبدالرحمن
قيمة ١٥٠٠ ر.س.الحقيبة الورقية للتثبيت والمراجعة
قيمة ٥٠٠ ر.س.
ماستركلاس: كيف تخطط لاهدافك وتنجزها في ٢٠٢٤
(خصيصا لهذي الدفعة)
كل هذي الخدمات اذا جبتها من دورات منفصلة وكتب ومعاهد وسفرات كل هذي الاشياء ممكن تكلفك اكتر من ٨٦٠٠ ريال .. لكن دورة المحادثة الاحترافية بتقدملك كل حاجة تحتاجها في مكان واحد وبطريقة مرتبة
ضمان النتايج 💯
الدورة مو هدفها تديلك فائدة! الدورة هدفها توصلك لنتيجة حقيقة واوصلك لنتايج.. وعشان كدا عندك ٣٠ يوم اذا ما لقيت تطور حقيقي خلالها تقدر تسترجع مبلغك بالكامل
ما تقدر على المبلغ
جهزت لك مصادر قوية في خدمتك بدون مقابل 💛
"ازعل لما اسمع ناس كثير تفوتهم بعثات وفرص ممكن تغير حياتهم حرفيا بس بسبب ما عندهم لغة .. وعشان كدا بحاول بكل قوتي اني اساعدك في الانجلش بكل الطرق اللي اقدر عليها 💛"
والحمدلله فخور بـ
درس تفاعلي داخل الدورة
كلمة اساسية حتحفظها بشكل تفاعلي
قاعدة اساسية حتتعلمها بشكل عملي
ساعة يوميا حكون معاك طوال الرحلة
الاسئلة الشائعة
ايش هو مستوى الدورة؟
الدورة مناسبة اذا مستواك اقل من المتوسط او متوسط وتواجه صعوبة في المحادثة وممارسة اللغة بشكل يومي .. راح يكون تركيزنا على الاساسيات والمهارات اللي راح تساعدك تأسس لغتك بشكل صح.
كم مدة الدورة؟
الدورة هدفها النتائج، مهو منهج تخلصه وبس .. فحتكون مستمرة معاك الين ما تطور نفسك صح في الانجليزي.. وهذي غالبا تاخد بين الشهرين لـ ٦ اشهر 🚀 لكن الدورة مفتوحة ليك الين ما تصير بلبل انجلش (٦ اشهر بحد اقصى).
مستواي حاليا متوسط هل الدورة حتنفع لي؟
هذه الدورة مصصمة للمستوى اقل من المتوسط والمتوسط. يعني من خلال الدورة حتطور مهاراتك في المحادثة وتقدر تتكلم بطريقة صحيحة. لكن اذا انت مستواك تأسيسي انصحك ما تدخل الدورة، أسس لغتك نفسها (شوف دورتي التأسيسية) وبعدين اهجم على الدورة..
حالياً مشغول ما اقدر ابدأ في الدورة مباشرة؟
الدورة حتكون موجودة معاك الين ما تبدأ وتحقق هدفك (بحد اقصى ٦ اشهر) تقدر تبدأ في اي وقت تبغاه مو شرط تبدأ فورا.
هل في امكانية اتواصل معاك على الجوال؟
بشكل عام مع المشتركين في الدورة بنكون معتمدين على الرسائل لانها دائما اسرع وتوفر وقت.
هل في جروب في الدورة؟
لا .. فريقي حيتواصل معاك ويجاوبك على كل استفساراتك.
هل في اسرار في الدورة لا توجد في اي مكان تاني؟
الدورة ما فيها اسرار لكن هدفها انها تختصر عليك الوقت والتشتت وتمشي معاك خطوة بخطوة الين ما تتطور بشكل حقيقي في الانجليزي بوقت قياسي.
هل اقدر اشترك في الدورة وانا ما عندي لابتوب؟
لا تخاف جهزت الدورة وصممتها عشان تشتغل معاك سواء من الجوال او الايباد او اللابتوب.
ممكن احد يستفيد معاي في الدورة؟
الدورة مجهزة لشخص واحد فقط، في حالة دخول اكثر من شخص في اشتراك واحد في الدورة، راح يتم الغاء اشتراك المشترك في الدورة بالكامل.
هل اقدر احضر الدورة من اي مكان؟
الدورة بقدمها اونلاين بالكامل تقدر تذاكر منها حتى لو كنت في ادغال الامازون 🦒.
هل لازم اتابعك على السوشيال ميديا (انستجرام، يوتيوب، تويتر، الخ)؟
سؤال مررة حلو، يعتمد عليك كليا، اذا انت قاعد تكرف اصلا وتحتاج شوي تنويع في الحماس، او تحب انك تشوف الموضوع باسلوب ثاني (لانه مافي شيء يخرج عن الدورة)، وقتها راح انصحك بشكل كبير انك تشوف محتوى السوشيال ميديا اما اذا كنت مستعجل او لسه ما بديت كرف، انصحك انك ما تشتت نفسك وتركز على الدورة كليا، وهي تغطي لك كل تفاصيل الاختبار.
حقائب الدورة بتوصل كل مكان في الظروف الحالية؟
ايوة بتوصل.. بحاول انا من طرفي انه اشحن الحقيبة وان شاء الله بتوصل خلال شركة DHL..
هل عندك دورة لاختبار الايلتس؟
يب بقدم دورة مكثفة في الايلتس تقدر تشوف تفاصيلها من هنا.
هل عندك دورة لاختبار الستيب؟
يب بقدم دورة مكثفة في الستيب يمديك تشوف تفاصيلها من هنا.
حاب تاخذ كلاس تجريبي؟
شوف الكلاس من هنا