دفعة رمضان في ٢٠٢٤
المدعمة بالذكاء الاصطناعي

أسس نفسك صح في الانجليزي.

اقوى دورة تاخدك خطوة بخطوة من الصفر في الانجليزي وتحقق طموحك بوقت قياسي.

باقي على نهاية الدورة

00
Days
00
Hrs
00
Min
00
Sec

المشكلة مع الانجليزي

ليش تعلم الانجليزي تحسه تحدي؟ تحس الموضوع ثقيل وياخذ مجهود اكثر واطول بسبب مشاكل كثيرة منها:

ما تدري تبدأ من فين؟ عندك ٥٠ الف مصدر متشتت بينهم وكل واحد بينصح بشيء جديد..

جربت طرق كثيرة من الطرق التقليدية وما لقيت اي تطور في مستواك..

مو قادر تستمر.. وتحس انه الموضوع اكبر مما تتوقعه وحياخذ شهور وسنوات الين ما تتطور

في هذي الدورة راح اقلك ايش اللي عليك تسويه بالزبط!

عبدالرحمن حجازي

عبدالرحمن حجازي

بديت من الصفر في الانجلش وكانت تجربتي مع اللغة عبارة عن معاناة.. كنت احاول اطبق كل نصيحة اسمعها، وجربت طرق كثييرة وكل مرة طريقة تفشل كنت اتحطم اكتر .. صرفت آلاف الريالات وضيعت ٣ سنوات ولسه ماني قادر اوصل للخلطة السحرية اللي تساعدني اتعلم اللغة باتقان عشان احقق حلمي بدراسة الماجستير في جامعة قوية وبعدها اتوظف في شركة كبيرة..

وبعد تجربة ٥٠ الف طريقة قدرت اوصل لافضل الطرق اللي تختصر الوقت والمجهود وساعدتني احقق افضل النتايج في اشهر قليلة مو سنوات!

وبعدها قررت انشر تجربتي واختصر الطريق على المهتمين باللغة والحمدلله ساعدت أكثر من ١٠ مليون شخص خلال الـ ٨ سنوات الماضية في تحقيق طموحه من خلال دوراتي المكثفة والمحتوى اللي بقدمه على السوشيال ميديا

شركاء رسمين مع عبدالرحمن حجازي

تعريف الدورة

⚙️ اقوى التكنيكات اللي تختصر عليك الطريق
👨🏻‍💻 دروس مصممة بتقنية الـ Active Focus اللي تخليك تندمج وما تحس بالوقت وتتعلم بدون ما تمل
🛣️ المسار الشخصي يرتب لك الدروس خطوة بخطوة
🧑🏻‍🎓 نتائج حقيقية حتشوف تطور ملحوظ بوقت قياسي

وانا هنا مو عشان اقدم لك دورة .. انا هنا عشان اقدملك نتايج واساعدك تتأسس وتطور نفسك صح في الانجليزي وتحقق طموحك بوقت قياسي!

ودا مو بس كلامي .. هذي تجارب وكلام مجربين يوصلني يوميا ..


وانت كمان تقدر!


تبدأ وتأسس نفسك صح في الانجلش وتحقق هدفك.. حتبدأ معايا من الصفر حرفيا وحتطلع وانت عارف تتكلم وتكتب صح. ومهما كانت الصعوبات اللي تواجهك وتحس انها السبب اللي يمنعك توصل لهدفك.. صدقني هي كلها عوائق وهمية وحلها في سر بسيط "معادلة التأسيس" اللي هم اساسيات الكلمات، اساسيات القواعد وممارسة المدخلات.
اساسيات الكلمات: اهم الكلمات الاساسية اللي تتكرر باللغة
مهو مطلوب منك تحفظ كل الكلمات اللي في قواميس اللغة عشان تطور لغتك، انا حفظت قاموس كامل ونسيت معظم الكلمات اللي حفظتها.. انت تحتاج بس تحفظ الكلمات الاساسية اللي المفروض تكون عارفها في الانجلش عشان تقدر تفهم وتكون جمل صحيحة.
اساسيات القواعد: لا تخاف ما حتحفظ ٥٠ ألف قاعدة!
الاسطورة تقول إذا حفظت كل قواعد اللغة حتصير حريف لغة وتتكلم بطلاقة كمان، لكن تخيل معايا اذا احد سألك سؤال تحتاج تجلس كم دقيقة عشان تتذكر ايش كانت تركيب هذي القاعدة.. الواقع يقول انه تحتاج بس تعرف الاساسيات مو الجرامر من بدايته لنهايته زي قواعد if وحالاتها مثلا😅
ممارسة المدخلات: دا السر اللي حيساعدك تتقن مهارات اللغة
دحين صار عندك المقادير اللي هما الكلمات والقواعد، وباقي عليك تطبخ الاكلة نفسها بمعنى تمارس الانجلش بشكل عملي. الحفظ وحده مهو كافي عشان تتطور .. لازم مع الحفظ تيجي الممارسة اللي يسحب عليها معظم المهتمين بتعلم اللغة، والممارسة مهي عشوائية لازم تكون لاشياء تناسب مستواك، ما ينفع يكون مستواك تأسيسي وتقرأ جريدة تحتاج تترجم كل كلمة فيها.. النتيجة راح تطفش وما حتستمر وبالتالي ما حتحقق هدفك.

دورة تغنيك عن عشرات الدورات

خدماتك في الدورة

🔡 تأسيس اللغة من الصفر:

القواعد الاساسية:

حتدرب بشكل عملي على قواعد الجرامر اللي اخدتها عشان تقدر تتعود عليها وبعدين تنساها ودا معناه انه حتتكلم بجمل صحيحة يعني باختصار حتتعلم تمارس الجرامر مو تحفظ الجرامر.

الكلمات التفاعلية:

في الدورة جمعت لك أهم الكلمات الاساسية صممتها ليك بأقوى التقنيات اللي تساعدك في تحويل الكلمات من الذاكرة قصيرة المدى للذاكرة طويلة المدى زي كروت تثبيت الكلمات اللي حتخلي مخك يتسائل وتتعلم الكلمات بشكل عملي للاستخدام مو تحفظها بالطرق التقليدية وتنساها

🚀 تطوير المهارات الاربعة:

📝 كون جمل مع اداة الذكاء الاصطناعي شكسبير

المدرب شكسبير AI حيكون معاك ٢٤ ساعة كمدرب خاص بيك ، تقدر تختار الموضوع اللي حاب تكتب عنه وفي البداية راح يكتب لك جمل مساعدة تتعلم منها وتاخد افكار وبيجي دورك تكتب قد ما تقدر وبعدها راح يديلك فيدباك مفصل على كتابتك عشان تتعلم منه وتصير تكون جمل قوية وتعبر عن افكارة بسلاسة اكثر وبدون اخطاء

الاستماع بالجولات:

حتطور مهاراتك عن طريق الاستماع لمقاطع صوتية مناسبة ليك بنظام الجولات الثلاثة عشان تتعلم منها كلمات وجمل جديدة وتعرف تتكلم صح بوقت قياسي

القراءة التدريجية:

حتدرب على مهارة القراءة حبة بحبة من خلال أكثر من ٤٠ درس تفاعلي، حنسمع ونقرأ مع بعض عشان تطور مهارات بالممارسة وحتشوف تطور حقيقي بوقت قياسي

ممارسة العبارات اليومية:

دروس تفاعلية لأهم ٥٠ عبارة تحتاجها في حياتك اليومية عشان تعرف كيف تكون الجمل وبالتالي حتقدر تتكلم بعبارات قوية بدون ما تعلق وتفكر كيف ترتب الجملة

مكتبة روايات اكسفورد الرقمية

كخدمة اضافية في الدورة وبالنسبة لي ممتعة حيكون عندك ٢٥ رواية الكترونية مناسبة لمستواك من افضل مصدر لتطوير مهارة القراءة عشان تزيد سرعتك في القراءة والاستيعاب ودا معناه انه حتزيد حصيلتك اللغوية بشكل عملي وبنفس الوقت الكلمات حثبت براسك لانه القصص تحفز الخيال وتربطها بمخك اكثر

👨🏻‍🏫 تقييم من الخبراء باللغة:

جلسات مباشرة مع معلمين اجانب مختصين لكسر رهبة الانجليزي:

حتمارس اللغة في بيئة تعلم تحفيزية من خلال ٣ جلسات مباشرة مع معلمين اجانب مختصين عشان تساعدك تكسر حاجز خوفك من الكلام بالانجلش قدام الناس وتحديدا لما يكون شخص متحدث اصلي للغة دا الشئ حيساعدك تطلع من الجلسات وانت مستعد لاي موقف يقابلك وكمان حيديك فيدباك مفصل يساعدك تركز على نقط ضعفك وتطور

شهادة ورقية:

بعد اكمالك للدورة التأسيسية راح يشحن ليك شهادة ورقية بمستواك اللي وصلت له في اللغة وتقدر تستخدمها في اي مكان

🏃🏻 ممارسة بشكل عملي:

ورش عمل حضورية جماعية:

كمشترك في الدورة حيكون عندك صلاحية دخول لا محدودة لاكثر من ٣٠ ورش عمل حضورية جماعية بتكون فيها طاقة وحماس نتجمع ونتدرب ونمارس مع بعض
.

حقيبة ورقية للتثبيت والتذكير:

تساعدك تثبت الكلمات والقواعد اللي اتدربت عليها وتكون مرجع ليك حتى بعد ما تخلص الدورة لانه فيها (كتيب مختصر لمحتوى الدورة، كروت تثبيت لاهم الكلمات وتقويم الانجاز للمذاكرة)

الدورة اختصرت على الاف المشتركين وقت رهيب وكانت ممكن تضيع فرص حقيقة عليهم في دا الوقت، طيب يجي السؤال كيف التزم كل هذولا الناس بالمذاكرة اليومية؟ ما كان يجي شعور بالطفش او انه يبغا يسحب على كل حاجة؟

الاجابة اكيد ايوة تصير لكن الدورة ساعدتهم لانها مبنية على تقنية المسار الشخصي اللي يحدد لك روتين للمذاكرة حسب الوقت اللي تقدر تعطيه يوميا.. يعني ما حاجي اقلك يلا انت عليك تذاكر ١٠ ساعات في اليوم عشان تحقق هدفك وانت ما تقدر تدي وقت للمذاكرة اكتر من نص ساعة. تخيل نص ساعة بس في يومك تقدر توصلك لهدفك لانه الدورة سوت لك النظام اللي عليك تمشي عليه، كل اللي عليك تسويه بس تفتح حسابك بالدورة وتمشي مع مسارك والباقي على الدورة.

الدورة التأسيسية حتعطيك خلاصة ٨ سنوات في دورة واحدة مصممة بتقنية الـ Active Focus اللي تخليك ما تحس بالوقت وتتعلم بدون ما تمل، وحتكون معاك الين تحقق هدفك لانها راح تركز لك على الممارسة وتطوير مهارات اللغة اللي تساعدك تفتك من عقدة الانجليزي

نظريا الموضوع مهو صعب، لكن عمليا صعب انه يكون في مكان واحد يوازن لك بين معادلة التأسيس .. هي خلطة لازم تكون محسوبة بشكل دقيق عشان توصلك لافضل النتايج..

ودا بالزبط المنهجية اللي حيتم تصميم مسارك الشخصي بناء عليها:


اول شيء الدورة حتكون مرتبة في صورة مستويات حسب مستواك باللغة، وفي كل مستوى حيكون عندك مجموعة وحدات، لكل وحدة ثيم أو موضوع معين نركز عليه بشكل مكثف بحيث تعرف ايش اهم الكلمات اللي تقدر تستخدمها بدا الموضوع.


في البداية حفظ الكلمات: ما حتحفظ اي كلمات مرمية ، انت راح تحفظ بس اهم الكلمات الاساسية في الانجليزي اللي حتواجهك وحتحتاجها اكييد في كل حياتك سواء في القراءة، الكتابة، المحادثة والاستماع وحتحفظها معايا بكروت تثبيت الكلمات. بعد ما تخلص من حفظ الكلمات حيجي وقت المراجعة السريعة، عشان تراجع بشكل سريع كل كلمة حفظتها كان ايش معناها وتتخزن في ذاكرتك طويلة المدى 🧠

في هذي المرحلة حيكون تركيزك على انك تعرف النطق الصح لكل كلمة وكمان تحرك لسانك وتدرب على نطقها اكتر من مرة الين تتقنها، عشان تقدر تتكلم وتمارس اللغة بشكل طبيعي وبنطق صح للكلمات.

وكدا لسه ما خلصنا الكلمات 😅 راح تيجي مرة كمان بعد ٥ ايام تراجع نفس الكلمات اللي حفظتها بطريقة تفاعلية مختلفة عشان تراجع مرة ثانية معنى الكلمة وكيف كانت طريقة نطقها واخيرا بعد ١٠ ايام حيكون عندك مراجعة كلمات لنفس مجموعة الكلمات، يعني الدورة حتكون مهمتها تحفظك الكلمات بدون ما تحتاج تكتب الكلمة ٥٠ مرة عشان تثبت لاطول فترة ممكنة في مخك ⚒️

بعد ما حفظت الكلمات وصار عندك مخزون كبير من الكلمات المهمة في حياتك اليومية تحتاج تبدأ تتدرب اكتر على الجمل اللي ممكن تستخدمها، لذلك هنا راح اعطيك اهم العبارات المناسبة اللي تقدر تستخدمها في موقف معين بنفس الموضوع وحتحفظها معايا بطريقة تفاعلية وحنتدرب عليها مع بعض بحيث تطلع من الدرس وانت خلاص عارف ايش الجمل اللي راح تستخدمها وانت تطلب حاجة مثلا من المطعم.


الانجليزي يتكون من اكتر من ٦٠ قاعدة جرامر ، ممكن دحين اعطيك كتاب اكتر من ٥٠٠ صفحة يتكلم بس عن القواعد وشرحها لكن السؤال هل انت تحتاج كل هذي القواعد عشان تتكلم صح؟ الاجابة اكيد لا انت تحتاج تتأسس يعني تحتاج تعرف تسوق السيارة منت محتاج تعرف ميكانيكة السيارة والموتور يلف كم لفة بالدقيقة 😅 نفس الموضوع في قواعد اللغة، وبعد ابحاث ودراسات مع فريق من المختبرين قدرت احدد بالزبط ايش اهم القواعد الاساسية اللي ما ينفع تتكلم بدون ما تكون عارفها.


حتلاقي في الدورة شرح للقواعد الاساسية في ٥٠ درس تفاعلي اهكر لك فيه طريقة معرفة القواعد وحتلاقي الشرح ليها باسهل طريقة ممكنة بحيث تعرف بالزبط كيف تستخدم القاعدة بدون ما تجلس ساعة تفكر ايش كانت التركيب الصح لهذي القاعدة.


واعتمدت في هذا القسم على تكنيكة جدا مهمة اللي اسميها (احفظها .. اتعود عليها .. انساها) يعني ما حتحتاج تخزن شرح القاعدة بطريقة مملة في مخك وتسمع التركيب ٥٠ الف مرة عشان تثبت في مخك، انت كل اللي عليك تشوف معايا الشرح وبعدها الدورة حتدربك على استخدامها الين تقول بس وبالتالي تطلع وانت عارف خلاص كيف تستخدمها وتمارسها في حياتك الطبيعية.

من اقوى الاشياء اللي حتكون عندك بالدورة الممارسة التدريجية للقراءة, من أهم المهارات اللي عليك تركز عليها لتعلم اللغة هي ممارسة القراءة، وافضل وسيلة لممارسة القراءة عشان تطور مهاراتك هي قراءة الروايات والقصص بشكل خاص. ودا الكلام بناء على دراسات وابحاث مو بس كلامي..


مثلا في دراسة سووها عام 2013 في مجلة Brain بجامعة إموري في الولايات المتحدة اسمها

Short- and Long-Term Effects of a Novel on in the Brain


واللي بتقول أن القراءة الروائية بتؤثر بشكل كبيير على توصيل الشبكات العصبية تحديدا في القشرة الصدغية اليسرى اللي بتعتبر المنطقة المسؤولة عن اللغة والذاكرة واشياء تانية كتير. ودا لما سجلو تصوير لاشعة الرنين المغناطيسي على الدماغ لما بتقرأ شيء خيالي في اجزاء من المخ بتتحفز وكمان لقو أن تأثير القراءة على الاتصالات العصبية للدماغ بتستمر حتي بعد أسبوعين!


ولانه الدورة تفاعلية فانت ما حتجلس تقرأ لوحدك بطريقة تقليدية انا حكون معاك خطوة بخطوة وحنمارس القراءة مع بعض حناخد الرواية وافصصها معاك حبة حبة بشكل تفاعلي بنظام الجولات الثلاثة اللي هي:


  • الجولة الاولى: حتسمع اول حاجة معايا وتركز بس انه تسمع نطق الكلمات وتحاول تفهم الموضوع بشكل عام.

  • الجولة الثانية: حقرأ معاك سطر سطر في الصفحة واوضحه ليك ايش كان يقصد بالزبط هنا ولانه الدورة التفاعلية حتلاقيني كل شويتين اسألك ايش صار، طيب ايش معنى دي الكلمة وهكذا عشان اتأكد انك قاعد مركز ومصحصح معايا 😈


الجولة الثالثة: حتسمع مرة كمان بس المرة هذي حيكون الوضع مختلف لانه قرأت معاك وشرحت ليك كل حاجة بالتفصيل فحتسمع وانت فاهم ايش قاعد يصير فحيكون استماع بفهم وبالتالي حتقدر تربط الكلمات بالنطق وبالمعنى


يعني هنا انت حتمارس وتطور ٣ مهارات بنفس الوقت اللي هم الاستماع، القراءة والمحادثة بالاضافة لفهمك واستيعابك لجمل اكتر وكيف تكون تركيبة الجمل الصح من ناحية التراكيب اللغوية والجرامر وحيكون مصدرنا الاساسي في القراءة "روايات اوكسفورد بوكورمز" واللي تعتبر من أقوى مصادر تطوير اللغة من اقوى الجهات التعليمية "اوكسفورد"

دحين عرفت منهجية الدورة وعرفت كيف الدورة ساعدت كثيييييرين في تحقيق أهدافهم واكيد حتساعدك انت كمان تحقق هدفك بوقت قياسي، لكن كيف الدورة؟ ايش حيكون عندك:

  1. 🧠 معرفة شاملة لقواعد الجرامر الاساسية - أكثر من ٤٠ درس تفاعلي مع عبدالرحمن ، حيركز فيها على شرح القواعد بطريقة تناسبك وبعدها حتدرب على تدريبات تفاعلية عشان تمارس القواعد مرة ثانية بنفسك.
  2. 📚 كخدمة إضافية في الدورة بعد كل قسم حيكون فيه تدريبات اضافية عشان تتدرب وتمارس اكتر وكمان حيوصلك كتيب خاص بالتثبيت والمراجعة في حقيبة الدورة وكمان اهم ١٠٠ كلمة مطبوعة في كروت تثبيت الكلمات.
  3. 🚀 تقنية المسار الشخصي: حيكون عندك مسار شخصي خاص بيك بناء على مستواك مرتب بترتيب الايام ودليل خطوة بخطوة للوصول للهدف بدون اي تشتت. ودا حيساعدك في توفير +10 ساعات كل أسبوع، حيختار لك ويترتب لك الدروس اللي تحتاجها في مكان واحد شاملة شرح للدروس، تدريبات تفاعلية، تطوير للمهارات، حفظ كلمات، تدريبات إضافية، ودا معناه حياخدك خطوة بخطوة من مستواك الين تتأسس صح بوقت قياسي.
  4. 🚂 تتدرب باستمرار (بشكل يومي) على تطوير مهارات اللغة (استماع وقراءة وكتابة ومحادثة) بدون ملل من خلال أحدث تقنيات للتدرب وبالتالي حترفع مستواك في اللغة بشكل عام وتتعلم الطرق الصحيحة للتطوير عشان تقدر تحافظ على مستواك حتى بعد انتهاء اشتراكك في الدورة.
  5. 💡 ما حتكررر نفس اخطائك مرة ثانية عن طريق الاستعانة بتعليقات شكسبير على كتابتك ونصائح مدرسين المحادثة على أدائك
  6. 🤖 تطور كتابتك وافكارك مع " المدرب شكسبير AI " حيكون معاك كمدرب خاص بيك تتدرب معاه، طورته مع فريقي بالذكاء الاصطناعي، حيعطي ليك اسئلة تحلها، فيدباك فوري على كتاباتك ويراجع اخطائك بدقة وبالتالي أزمتك مع الكتابة تتحل للأبد
  7. 🔥 تعرف ايش نقاط قوتك من خلال جلسات لكسر الرهبة مع معلمين اجانب مختصين - من افضل الخدمات الإضافية اللي اقدمها في الدورة لمساعدتك في معرفة نقاط قوتك والاستفادة منها في كلامك، وكمان لمساعدتك في كسر حاجز الخوف من الكلام بالانجليزي قدام احد وخصوصا لما تكون الانجليزية هي لغته الأصلية.
  8. 🔤 تتعلم الكلمات الأساسية اللي تحتاجها في حياتك اليومية عشان تتطور بسرعة وتقدر تتكلم بكفاءة ، فما تحتاج تضيع ساعات في محاولة البحث عن أفضل المصادر للكلمات. وبالتالي لا تهدر شهور في مصادر وطرق ما حتساعدك تتأسس صح وتلاقي تطور ملحوظ.
  9. حتقدر تتواصل مع فريقي على واتساب طول فترة اشتراكك ، وحيساعدك في أي سؤال واستفسار عندك ، وحنتابع تقدمك اسبوعيا بالدورة عشان نتأكد انه امورك تمام الين تحقق هدفك بإذن الله
  10. ورش عمل حضورية جماعية للممارسة والتدريب العملي والحضور مفتوح ليك طول فترة اشتراكك

و٦٠ الف حاجة كمان .. يعني باختصار الدورة شاملة كلللل حاجة وحتاخدك خطوة بخطوة الين تحقق هدفك

ابغا اقدم لك نتايج واضحة.. مو بس دروس

1000+
مشترك واكثر حقق طموحه خلال هذي الدورة

شوف الناس ايش قالو..

وعشان اتاكد انه لما تدخل معايا حتلاقي النتيجة اللي تبغاها فعندي شرطين بالدورة 🙅🏻‍♂️

الشرط الاول: تقدر تديني نص ساعة باليوم على الأقل
  • ومو لازم تكون نص ساعة متصلة لانه الدورة مصممة بطريقة مرنة تساعدك تقسمها على يومك يعني ممكن تاخد ١٠ دقايق وانت رايح الدوام ١٠ دقايق وانت في بريك ١٠ دقايق وانت بانتظار شئ

  • طبعا اذا تقدر تدي وقت اكثر حيكون ممتاز وحتقدر توصل لهدفك في وقت اسرع ومسار كل شخص حيكون بناء على الوقت اللي يقدر يديه

  • فالدورة اكيد حتوفرلك وقت ومجهود رهيب لكن بالنهاية مهي سحر يحتاج تديها من وقتك على الاقل نص ساعة يوميا ووقتها اقدر اوعدك انه الدورة تديلك اقوى النتايج

الشرط الثاني: مستواك يتناسب مع الدورة
  • الدورة لفئة معينة وتناسب بس المستوى التأسيسي او المبتدئ لكن اذا مستواك اعلى من كدا ما انصحك بالدورة ، تقدر تهجم على طول على الهدف اللي بعده في اللغة سواء كنت تبغى تختبر ايلتس او ستيب او اذا حاب تطور محادثتك اكثر لفرص مهنية اقوى

  • واذا حاب تاخد فكرة عن الدورات اللي قاعد اقدمها للايلتس او الستيب او المحادثة الاحترافية تقدر تشوف التفاصيل من هنا

  • واذا مو متأكد من مستواك تقدر تعرف مستواك من هنا

عندنا سيناريوهين..

1️⃣ اذا فيه شرط من الشروط هذي ناقص يحتاج تشتغل عليه بالبداية او اذا انت بديت في التأسيس وحاسس كل حاجة واضحة ليك وفيه تطور ما انصحك تسجل بالدورة .. ابغاك تستمر وصدقني راح توصل باذن الله

2️⃣ اذا تبغا حاجة تكون معاك من اول يوم خطوة بخطوة وتعطيك كل حاجة تحتاجها عشان تقدر تفهم وتتكلم وتكوّن جمل صحيحة في الانجليزي، بوعدك الدورة هي الشيء اللي تحتاجه.. واللي راح توصلك لهدفك في وقت قياسي 🚀

عرض دفعة رمضان لـ ٢٠٢٤

الدورة التأسيسية للانجلش
ايش اللي حتاخده؟

الدورة التأسيسية للانجلش

قيمة ٢٤٠٠ ر.س.

كون جمل مع أداة الذكاء الاصطناعي شكسبير

قيمة ١٢٠٠ ر.س.

اكسر رهبة الانجليزي في ٣ جلسات خاصة مع معلمين اجانب

قيمة ٨٥٠ ر.س.

ورش عمل حضورية جماعية

قيمة ٢٢٥٠ ر.س.

الحقيبة الورقية للتثبيت والتذكير

قيمة ٥٠٠ ر.س.
كل هذي الخدمات اذا جبتها من دورات منفصلة وكتب ومعاهد وسفرات كل هذي الاشياء ممكن تكلفك اكتر من ٧٢٠٠ ريال .. لكن الدورة التأسيسية للانجلش بتقدملك كل حاجة تحتاجها في مكان واحد وبطريقة مرتبة

مبلغ الدورة

٢٤٠٠ ريال

او ٦٠٠ ر.س. على ٤ دفعات

اشتراك الـVIP

كل المميزات في الاشتراك الاساسي وكمان:

٨ جلسات شخصية مع عبدالرحمن

تصحيح كتابات لا محدودة

١٠ جلسات محادثة

٤٦٠٠ ريال

اكتمل التسجيل
اطلب الاشتراك

ضمان النتايج 💯

الدورة مو هدفها تديلك فائدة! الدورة هدفها توصلك لنتيجة حقيقة والحمدلله في الاف الخريجين من الدورة اللي بدأو معايا وحققو هدفهم مو بس مستفيدين فالخلاصة انا هدفي اوصلك لنتايج.. وعشان كدا عندك ٣٠ يوم اذا ما لقيت تطور حقيقي خلالها تقدر تسترجع مبلغك بالكامل

ولمعلوماتك 🏅96 % من مشتركين الدورة التاسيسية للانجلش لقو نتايج حقيقية باقل من ٣٠ يوم

ما تقدر على المبلغ

جهزت لك مصادر قوية في خدمتك بدون مقابل 💛

"ازعل لما اسمع ناس كثير تفوتهم بعثات وفرص ممكن تغير حياتهم حرفيا بس بسبب ما عندهم لغة .. وعشان كدا بحاول بكل قوتي اني اساعدك في الانجلش بكل الطرق اللي اقدر عليها 💛"

والحمدلله فخور بـ

250+
درس تفاعلي داخل الدورة
500+
كلمة اساسية حتحفظها بشكل تفاعلي
46
قاعدة اساسية حتتعلمها بشكل عملي
16
ساعة يوميا حكون معاك طوال الرحلة

الاسئلة الشائعة

ايش هو مستوى الدورة؟

الدورة مناسبة اذا مستواك تأسيسي او مبتدئ وتواجه صعوبة في فهم وتكوين الجمل البسيطة بشكل صحيح .. راح يكون تركيزنا كله على الاساسيات والمهارات اللي راح تساعدك تأسس لغتك بشكل صح.

كم مدة الدورة؟

مدة الدورة مرنة عشان تطلع منها بنتيجة وبناء على مستواك ووقتك راح احددلك المسار المناسب ليك فمثلا اذا تقدر تذاكر ساعة باليوم، معناه راح تقدر تخلص الدورة في خلال ٣ اشهر تقريبا ومع ذلك صلاحية الدورة حتكون متاحة ليك ٦ اشهر كاملة من تاريخ اشتراكك 💯

مستواي حاليا متوسط هل الدورة حتنفع لي؟

هذه الدورة مصصمة للمستوى التأسيسي والمبتدئ فقط. يعني من خلال الدورة حتطور فهمك وتكون جمل انجليزية بسيطة بطريقة صحيحة. لكن اذا انت مستواك متوسط واعلى، فما انصحك بهذي الدورة. تقدر تهجم وتبدأ على طول في دورة المحادثة الاحترافية اذا هدفك تتكلم بطلاقة في وقت قياسي من هنا.

حالياً مشغول ما اقدر ابدأ في الدورة مباشرة؟

ميزة الدورة انها مرنة وتتأقلم مع ظروفك تقدر تبدأ في الوقت المناسب ليك مع اعتبار انه صلاحية الدورة باشتراكك الاساسي هي ٦ أشهر, واللي تعتبر مدة جدا كافية عشان تحقق هدفك باذن الله من مستواك الحالي ويكون معاك وقت زيادة اذا اضطريت توقف لاي سبب 🚀 مع العلم الدورة اصلا مصممة للمشغولين يعني يكفي بس تبدأ بنص ساعة يوميا ومهي لازم متصلة ممكن تقسمها على يومك وانا انصح دايما انه تاخد الخطوة وتبدأ وما تنتظر الظروف المثالية

هل في امكانية اتواصل معاك على الجوال؟

بشكل عام مع المشتركين في الدورة بنكون معتمدين على الرسائل لانها دائما اسرع وتوفر وقت ولا تشيل هم لانه فريقي حيجاوب اسئلتك بالتفصيل وحيوضح لك كل شئ تحتاجه من القلب وتقدر انت تسوي فويس نوت اذا مو قادر توصل سؤالك وفكرتك كتابة

هل في جروب في الدورة؟

لا التواصل حيكون بشكل شخصي وفريقي حيجاوبك على كل استفساراتك

هل احتاج مصادر ثانية مع الدورة؟

الدورة تكفي وتوفي كل شيء تحتاجه موجود داخل الدورة من كلمات وشروحات جرامر وتدريبات تفاعلية تساعدك تتأسس بشكل قوي.

هل في اسرار في الدورة لا توجد في اي مكان تاني؟

الدورة ما فيها اسرار لكن هدفها انها تختصر عليك الوقت والتشتت وتمشي معاك خطوة بخطوة الين ما تتأسس في الانجليزي بوقت قياسي.

هل اقدر اشترك في الدورة وانا ما عندي لابتوب؟

لا تخاف جهزت الدورة وصممتها عشان تشتغل معاك سواء من الجوال او الايباد او اللابتوب.

ممكن احد يستفيد معاي في الدورة؟

الدورة مجهزة لشخص واحد فقط، في حالة دخول اكثر من شخص في اشتراك واحد في الدورة، راح يتم الغاء اشتراك المشترك في الدورة بالكامل.

هل اقدر احضر الدورة من اي مكان؟

الدورة بقدمها اونلاين بالكامل تقدر تذاكر منها حتى لو كنت في ادغال الامازون 🦒.

هل لازم اتابعك على السوشيال ميديا (انستجرام، يوتيوب، تويتر، الخ)؟

سؤال مررة حلو، يعتمد عليك كليا، اذا انت قاعد تكرف اصلا وتحتاج شوي تنويع في الحماس، او تحب انك تشوف الموضوع باسلوب ثاني (لانه مافي شيء يخرج عن الدورة)، وقتها راح انصحك بشكل كبير انك تشوف محتوى السوشيال ميديا اما اذا كنت مستعجل او لسه ما بديت كرف، انصحك انك ما تشتت نفسك وتركز على الدورة كليا، وهي تغطي لك كل تفاصيل تأسيس اللغة.

حقائب الدورة بتوصل كل مكان في الظروف الحالية؟

بحاول انا من طرفي انه اشحن الحقيبة وان شاء الله بتوصل خلال شركة DHL.. ولكن بعض الدول لظروف خارجة عن ارداتنا ما نقدر نوصل ليها وبتمنى لو اقدر اوصل الحقيبة حتى لو بيدي

هل عندك دورة لاختبار الايلتس؟

يب بقدم دورة مكثفة في الايلتس تقدر تشوف تفاصيلها من هنا.

هل عندك دورة لاختبار الستيب؟

يب بقدم دورة مكثفة في الستيب يمديك تشوف تفاصيلها من هنا.